مــوضــوع الأســبــوع

[بنت_الجوارح]

السلام عليكم و رحمة الله

في كل اســبوع بنتناول موضوع نتناقش فيه ..

المشاركه مفتوحه للكل :)

بشرط انه ما نطلع عن حدود الادب و الاحترام

يعني قبل ما نكتب شي *انثمنه* ..

لأنا في كل اسبوع بنتكلم عن موضوع *ســاخـن*

والموضوع اكــيد بيسوي (هــولــيلـه) و على قولت اخوانا المصريين

** شعللها شعللها * ولـعها ولـعهـا** :D فحـاولوا تضبطون اعصابكم ;)

و بيتغير الموضوع ان شاء الله في نفس اليوم اللي انطرح فيه هذا الموضوع ..

الكل ممكن يشارك ويقول عن أي موضوع يبانا نتكلم فيه الاسبوع الياي و بنتظر اقتراحاتكم في صندوق الرسائل الخاصه ..

موضوعنا هذا الأسبوع هو :


شو رايــكم في حــال شـبابـنا هلأيام ؟!

سواءً كــانوا أولاد أو بنات ..

***طبعا هذا الكلام لا يشمل الكل و لاكن الاغلبيه تقريبا ***

شو رايكم في حركاتهم , لبسهم , طلعـاتهم و سـيراتهم ورداتهم

بنــات في السناتر بكامل زينتهم .. أما الــعباه سالفتها سالفه

الله لايراويكم والله انها لو ما تلبسها أخـير !

و المواعد عيني عينك في السناتر و في الحدايق واكثر شي في

السوبرماركتات عند صناديق الصابون عند الـتايد و الفيري هههه شو الحكمه؟؟ الصراحه ما ادري!!

و الشباب يا عيني على الشباب حـالهم مب احسن عن البنات

عيني عينك يتمشون ويا أجنبيات يد بـيـد و مب هامنهم حد ؟ ليش عـاد

وين احنا يا جماعت الخير؟!؟!


بعـدنا ما وصلنا لهذا المستوى من الانحطاط !



ولا بعد هلايام طالعين طلعـات يديده

ودروا الجكاره ...

يا شيشه يا مدواخ هههههه وين تبون ؟!؟! ما بتحصلون من ورا

هالسوالف غير المضره لاكن شو انقول غير الله يهدي الجميع


هذا هو الحال هلايام و جان عندكم كلام ثاني زيدوا عليه والي معترض بعد يقول ..

البلاد صايره بلمعنى الاصح *لا خـيال و لا مستحى * ههههه

وقـالوها ترا : وان لم تستحي فأصنع ما تشاء :(

ولا حول و لا قوة الا بالله

المهم اللي ابا اعرفه منكم الحين ..

هل تشوفون انه اللي قاعد يصير شي طبيعي ؟! ولا شو رايكم في الموضوع ؟!

بانتظار ردودكم و تعلقاتكم ...

( اللهم اني اسئلك ان تجعل اخر عباراتي... قبل مماتي ...
اشهد ان لا إله إلا الله..واشهد أن محمد رسول الله )



تحياتي

بنت_الجوارح:rolleyes:

[الرايه الجزراويه]

بسم الله الرحمن الرحيم
وعليكم السلام ورحمه الله وبركاته


مشكوووره اختي بنت _ الجوارح عالموضوع

:):):)

>>>>> 86 <<<<<

[بنت_الجوارح]

يا مرحبابك اخوي جزراوي 86

ننتظر رايك ;)

تحياتي

[الجارحه A&R]

مشكوره اختي وان شاء الله بنشارك معاج في الموضوع
وبصراحه فكره حلوه ...

[بنت_الجوارح]

العفو عزيزتي الجارحه


بانتظار تعليقج عالموضوع :)

[بنت_الجوارح]

هههههه :D

ضحكني اللي مــصوت أكيد حالي من حـالهم

حلوه الصراحه

تعجني يا صرييييح

بس شو السالفه ؟! 25 دخلوا و محد علق على الموضوع ؟!

اذا اتشوفونه سخيف مب مشكله .. انغيره !:confused:

تحياتي

[خضراوي007]

مشكوره اختي على طرح الموضوع ......لا بد من دفع ضريبة الانفتاح والتطور ,ولو ترجعون 25 سنة لم يكن هناك اي نوع من االاخطلاط بين الطلاب او اي خلط بين الجنسين في اي مجال وبعد الانفتاح و التطور السريع نرى الان الكليات المخطله ,والاخطلاط في مجال العمل و دخول عادات غريبه علينا كل هذه العوامل و غيرها التي تساعد علي خلق جيل جديد مشبع بعادات و تقاليد اجنبيه غريبه عن عاداتنا و تقاليدنا الله يعيين هل سوف نرى عاداتنا و تقاليدنا مستقبلا ؟ :confused:

[بنت_الجوارح]

صح كلامك 100% يا خضراوي 007


و دليل انه الخلط يؤدي الى مشاكل

في امريكا يدرسون الوضع و ناويين يفرقون من بين الجنسين في المدارس

لانه اكتشفوا ان الاختلاط يسبب مشكلات عديده وبدونه بيكون حالهم افضل !

وهني يدرسون انهم يخلون المدارس مختلطه عشان يكون في انفتاح

اكبر و تتغير عقلية المرأه الاماراتيه و طريقة تعاملها مع زملاءها من

الرجال خاصة بعد تخرجها وانضمامها للعمل معهم !!!!

سبحان الله هل نعتبر هذا تطور ام تخلف:confused:

اذا كان ترك الدين يعني تقدما**فيا نفس موتي قبل ان تتقدمي !!


اشكرك على التعليق والاضافه

تحياتي لك
:rolleyes:

[الشبابيه]

وعليكم السلام

تسلمين عزيزتي بنت_الجوارح ع الموضوع الحلو والي يستحق النقاش

وبالنسبه لشبابنا هالأيام طبعا مب الكل الصراحه شبابنا قاموا واااايد يقلدون الغرب في كل شي حتى لو هالشي غلط وما يتناسب مع عاداتنا وتقاليدنا ...ياريت لو يقلدونهم في أشياء ثانيه مثل تطورهم في العلم والتكنولوجيا والأشياء الثانيه المفيده

بس ما نقول غير الله يهدي الجميع

[بنت_الجوارح]

أختي الشبابيه

انا معـاج في اللي قلتـيه و كــلامج صح الصح :)



شكرا على الرد

وبانتظار تعليق البقية على الموضوع

يالله يا جماعه نبا نقـــاش ! p:

[الجارحه A&R]

بصراحه حال شبابنا هالايام سواء بنات او اولاد ما تسر خير شر...
وبنظري ان المساله مجرد تقليد اعمى فالبنت الحين ما يهمها شي غير مظهرها وكيف باقي الناس ينظرون الها واللي يساعدها على ها كله
العادات السيئه اللي يتنا من الغرب.. تراها يالسه اتشوف هالبرامج واللي يقدمون البرامج في التلفزيون والمجلات اللي مب من قصره في عرض اخر موضه مبتكره(لول والله)وخله عاد ترا الموضه الحين بناتنا ما ينعرفن من اولادنا كل وحده لاعبه بشعرها ومخلتنه ما اعرف كيف يا بوي يا اونه كاريه والله حتى شعر الولد اطول من شعرها... اما الولد خليه في صوب ما شي يهمه غير انه يركب السياره ويفتر فيها حتى الشوارع حفظته مب هو يحفظها وعاد يوم اييج واحد بذيج السياره الحلوه ويوقف عند اي محطه تعالي واضحكي بيصب ب 10 وبروح (ههههههههه)..و اللي يساعده كثرة الاجانب عدنا والوقت اللي يحصله ويستغله استغلال خاطىء يا مغازل او سفر.. و ما دام يينا صوب السفر (بلاوي والله) ما يصدق اييمع كم بيزه وعلى طول حاجز له تذكره (تعال ياريال وين ساير)لا بس مليت من البلاد اشوي وبروح كلام حافظينه عدل..
وان شاء الله هالامور كلها تنزاح وانشوف شبابنا باحسن من جيه ..

المهم ما بطول اخاف انفلع عقب اشوي بعد ...

والسموحه من الكل
مجرد وجهة نظر

[بنت_الجوارح]

هههه اختي الجارحه (مـاعاش من يفلعج والله )D:

و عـن سالفت البنات و أخر موضه رأيي شو يختلف عن رايج

انا اقوول اتسوي اللي تباه و تبلس على الموضه مب مشكله

لاكن في حدود الادب .. مب والله لابسه تنوره لين الركب و بووت

اشطووله عشان ادس ركبها السود ههههه

انزين وبعدين يعني ! والله عرفنا انج فـري و ترومين تلبسين اللي تبينه و بعدين يعني؟! مسكينه تستوي مصخره في السنتر و هي على بالها مستانسيـبها الناس يوم يطالعونها بأستغراب !

والقهر انها اتخلي العباه عليها ..ليش عاد بلا هالعباه والله نستحي انهم يقولون انها مواطنه..عــاد هي اتخليها بس عسب ايعرفون انها بنت البلاد هههه مسكييينه !

واييييييد من هلاشكال بتحصلينهم في السناتر ..

ايحطونهن هناك free show حق الطماشه ههههه

_____________________

انزين ننتقل حق الشباب خلينا سالفة السيارة و البيزات هههه

غمضوني والله حرام يمكن هو يكون معذور .. ابوه شارله السياره وهو

بعده يدرس و ماينزله معاش هههه

والسفر سالفته سالفه ..

يسيير عند أهله

الولد: (( أقول تراني بسافر ويا الربع ملينا من البلاد))

الام: (( هااه بتسافر زيين برايك بس ويين عاد ابويه؟))

الولد: (( بسيير سياحة ))

الام: ((زين ماشالله منو عاد بيسيير وياك ؟ ))

الولد: (( فلان و فلان وفلان **شلة حشاكل*))

الام: ((هيه زين ماشالله هذيلا اهلهم ناس زينين و طيبيين و عيال أجاوييد *أنزين شعليج من أهله الحين عليج من الولد يمكن يطلع واحد *خرطـي*ههه

الام: بس عاد ما خبرتني وين بتسيروون ** سياحه** على نياتها مسكينه..

الولد: (( بنسير بـانكوك أو المـغـرب !! )) هههههههه *عـــلــيــنــا*

الام: (( وييييه غـربالات أبليس ماشي ســفر يالله ايـيلس و أنثـبر هني في الحـر ..)) ههههههه
THE END
BASED ON A
TRUE STORY

والله يهدي الجميع انشالله D: