لـــغـــز (بيت شعر )

[بنت_الجوارح]

بكتبلكم البيت مشربك ..

بنفس الطريقة اللي ينقال فيها ..

بس لازم اطلعون لي اسم البنت و اسم الريـال و معنى كلمتني الاولى و الثانيه و الثالثه

بس عاد اللي يعرف البيت يعطي فرصه حق البقيه ايحـاولون اوكــيه ؟ :)




(( طرقت الباب حتى كلمتني فلما كلمتني كلمتني

وقالت ياسماعيل صبرا فقلت ياسماعيل صبري))


شو معنى كلمتني الاولى و الثانيه و الثالثة ؟

و وين اسم الريال و وين اسم البنت ؟


يالله


بانتظار الاجابات

تحياتي:rolleyes:

[بنـ الجوارح ـت]

هلا بنت _ الجوارح

تسلمين على هذه المشاركة .. يعطيك العافية
وصراحه .. أنا ماعرف الحل :)

تحياتي لك ..

[Panadol]

اولا السلام عليكم ورحمه الله وبركاته وثانيا شكرا على المسابقه الحلوه

واخيرا اعتقد الاجابه هي
ان البنت: صبرا
والولد: صبري
والكلمه الاولى: قرعت
والثانيه: القلب
والثالثه: الامل

واتمنى الاجابه صح.

اخوكم

[بنت_الجوارح]

اختي العزيزه

بنـ الجوارح ـت


تراه سهل ركزي شوي اكيد بتعرفينه لانه شكلج ماشالله عليج فنانه في اللغه العربيه


و عزيزي Orchega

جوابك موووول مايخصه.. للاسف غلط :D يوم بقولكم الحل بتضحك على جوابك بس شكرا على المحاوله حاول مره اخرى ..

[الجـــــارح]

أحم أحــم :)

نحن هنـــــا


وإليكِ الابيات الصحيحة


ومن خلالها تكون الاجابه :)



طرقت الباب حتى كل متني فلما كل متني كلمتني

وقالت ياسماعيل صبرا فقلت ياسما عيل صبري



أعتقد المقصود بالكلماااات الاولي والثانية والثالثه واااضح اوكي :)


الأسماء واضحه وضوووووح الشمس :)


تحياتي

الجـــارح

[بنت_الجوارح]

ههههه

الجــــارح لاه لاه لاه أكيـــد كنت اتعرف الجواب:p

ماشالله عليك بس انزين ما شرحته

يمكن انته اتعرف المعنى لاكن غيرك ما يعرفه :)

بس ليش اتخرب عليهم !؟

ترا ماشي جوايز على هذا السؤال ههههه:p

[الجـــــارح]

http://www.wtv-zone.com/aylana/bringontheglitter/glitterlines/divider-01.gif
يا بنت _ الجــوااااارح

ههههههه

صدقيني انا شفت المشاركة اول ما نزلت

وما حبيت اشاااارك انتظرررت

وما شرحت شىء

اكتفيت بكتابة الأبيات صح :)


لكن تعالي هنااااااا


كيف مافي جواااائز :)

اي لغز اجاوب عليه الجوارح ملزمه بتعويضي
ههههههههههه
ويكون على حساب المشرفين والمشرفاااات :)

راجعي اتفاقية التسجيل للمنتدى :)


http://www.wtv-zone.com/aylana/bringontheglitter/glitterlines/divider-01.gif
مع خالص تحياتي
أخوكِ
الجــــارح

[بنت_الجوارح]

الجارح

والله امصدقتنك ;) بس اسولف وياك لا تزعل :)

و عن الجوايز

راجع المشرف العـــام ههههه

[الجـــــارح]

ههههههه

الزعل ممنوووووووع



المهم




وين الهديه :)



تحياااتي

الجـــــارح

[بنت_الجوارح]

بـــعــــاد !!

تسأل عن الجايزه !!

وين العشا!؟؟! انا و الجارحه نترياك تتدخل من الصبح

مسكينه شكلها كلت شي من الكمبيوتر من جي طلعت من المنتدى

هلــكنا من اليوع !:mad:

[الجـــــارح]

هههههههههه

الجارحه
كان بدها تسرق الكوبوووون :)


ماقلتي ما بدى عشاااااء :)


انا ما تحركت

كل مافي الأمر
اتعشيت بالكوبون ورجعت :) :)

[بنت_الجوارح]

افاااا يالجــارح

انا قلت مابا عشا !؟:confused:

انا قلت بعده وقت بعدين بتعشى

لا اطلع اعذار من عندك اوكيييه

انته اتعشيت ؟! خلاص مب مشكله هني و عافــية

(( الجارحه )) عازمتنج على مطعم تشيليز في مركز صحارى ;) بس يبي عشاج وياج هههه

[Panadol]

مرحبا بالجميع..انا حاس ان هاي المسابقه فيها نوع من الدعابه وانا شاط بعمري..اوني جاد...حليلي انا

المهم اتريا الاجابه ولكم مني التقدير وكل الاحترام

اخوكم

[بنت_الجوارح]

اخي العزيــز [[[[ orchega ]]]]


لا دعابه و لا شي و محاولتك مشكور عليها :)

الجارح حله بس ما شرحه


هذا هو جـواب اللغز


طرقت الباب حتى كل متني فلما كل متني كلمتني

وقالت ياسماعيل صبرا فقلت ياسما عيل صبري


كل متني = يعني نفذ صبري او انهد حيلي ههه

فلما نفذ صبري كلمتني= يعني ردت عليه وقالت ياسماعيل= اسماعيل هذا هو اسمه

صبرا = يعني اصبر شوي فقلـت يا سما = اسمها اسما

عيل صبري = يعني نفذ صبري

انشالله عيبك البيت ;)

[Panadol]

مرحبا بنت الجوارح والجارح وكل من شارك في حل هذا اللغز

الجواب عجيي الصراحه مول ما فكرت ان الحل بيكون جي
المهم يعطيج العافيه وحبينا بعد الغاز اكثر ومشوقه

اخوكم