المساعد الشخصي الرقمي

مشاهدة النسخة كاملة : سوالف أم سعيد 2


اختكم أم سعيد
23-06-08, 11:14 AM
الله يحفظكم كلكم ويديم عليكم الصحة والعافية :SnipeR (100):فريق التواصل النسائي يسلمون عليكم
و وااااايد أفرحوا بتفاعلكم وردودكم ومن قلبهم :icon26::icon26: يتمنون تدوم المعزة والكلمة الطيبة
وأشكر كل إلي قرأ السالفة الأولى وأخص بالشكر إلي تفاعلوا وردوا علي :SnipeR (48)::bye1:
واليوم أشم من الصبح ريحة -القاشع - والمالح - والسمن وشوية الرطيبات إلي على طرف الصحن :esssen:
وأذكر دياي أمهاتنا لي يربونه ويعابلونه وكيف طعم صالونة الدياي البلدي ما حد يقدر ينساه :fish:
واليوم الله يعين عيالنا والله مساكين عايشين على الهمبرجر والهوت دووووج وما أدري شو يسمونه :blushing:
الأول كنا نمشي والمشي صحة :SnipeR (51): والنش من الغبشه ونشة الصبح يقولون الاطباء اليوم أنها تجدد الخلايا عاد أحنا كنا نقول عنها بركه واليوم :SnipeR (53): ماشي رقاد لا ليل ولا نهار ولا حركه ولابركه
الأول الريال ريال بقوله وأفعاله واليوم اليهال يحسبون بيستون رياييل إذا رفعوا صوتهم ولا داخوا لهم صلب زقاره :SnipeR (97): الكورة تبى صحه نفس وشباب صدورهم نظيفة تبى واحد باله صافي ما عنده شويسمونه ..أرق ولا قلق الكوره تبى أكل مضمون مطبوخ بيد بناتنا الله يحفظهن من الشر الكوره تزعل من التعبان وتعطي ظهرها والنشيط تقابله وترابعه وتدخل القول عشان خاطر صحته :showoff:
وانا من قلبي أبا لكم الخير تراكم كنز بلادي :icon26:أحبكم وعن محبة هل الأول برمسكم في السالفه اليايه

ولد_المرر
23-06-08, 12:25 PM
.. حيج يا ام سعيد..
..وعساها فرحه مديمه عليكم..وعلينا ان شاءالله..

عاد الحين ماشاءالله عليج يا ام سعيد فعلتي القسم وهو يديد
والسبب مواضيعج الي كل مايقرها الواحد يبسط ويذكر زمان الاول..

ام سعيد ماطول في ردي لشتياقي للموضوع القادم..الف شكر لج وتحيه!!

حكومة بني جتب
23-06-08, 12:38 PM
صح لسانج!!!
أمايه الحمدلله انا انش من غبشه هب نفس المطورين لول
و الحين في واقعنا جالبين المفاهيم,,,
^^

امينة المعمري
23-06-08, 02:14 PM
مشكوره يا أم سعيد
وعلى فكرة معلومة ترى أم سعيد
قائدتنا في فريق التواصل النسائي
والكل يحترمها وما لنا غنى عن نصائحها القيمه

مرسى الجوارح
24-06-08, 09:35 AM
ويحــــــــــــفظج يــــا ام سعيـــــــد ..

ونحـــــــن فــــراحنين أكثــــر بتواجدهم في المنتــــدي ومشــاركاتهم ,,

يـــاالله يا امي ع الصبـــح عاد يوووعتني وخليتي في خاطريه المــالح والسمن ههههههه ..


هيـــــه والله اعيـــــال اليوم ماعندهم الي هارديز وكنتاكي وين ايــام اول يوم كــل شي كــــان صحي ,,


امي ها اليومين اعيــالنه ماوراهم الي السهــــر لين نص اليالي والرقاد لين ظهر القــايله لاا شي صحه ولا شي حـــــركه ويـــوم بتقوليلهم قــــوم لعبـــو كــوره بيقــولون لا مانبه مافينه حيــل متكسرين شوو مكســـرنهم عــاد غيــر ها الرقــاد والاكــل الي مامنه فايده..

وأنتــــي كنــــز البـــلاد يــا ام سعيـــــد بمواضيـــعج الغـــاويه الي مافي منها ها الايام .. وأنتـــريه يديدج

روني 23
24-06-08, 02:29 PM
دام ان تفاعلنا وياكن يسعدكن..عيل ابشرن بالزود..

ونحن بعد بانتظار الزود..ربي لا يهينج امايه..لا تحرمينا من مشاركاتج الغاويه..

ونبا فريقكم يزيد من هذي المشاركات الطيبه..

كرستيانو الصغير
29-06-08, 03:53 AM
الله يحفظج يا ام اسعيد .. ولا تحرمينا من سوالفج الغاويه .. وطول الله في عمرج ..

PuRe_cRy$taL
09-07-08, 09:10 PM
وعساها فرحه مديمه عليكم
وعلينا ان شاءالله
و صح لسانج^^

القايدي
09-08-08, 03:47 PM
الله يحفظكم كلكم ويديم عليكم الصحة والعافية فريق التواصل النسائي يسلمون عليكم
و وااااايد أفرحوا بتفاعلكم وردودكم ومن قلبهم يتمنون تدوم المعزة والكلمة الطيبة
وأشكر كل إلي قرأ السالفة الأولى وأخص بالشكر إلي تفاعلوا وردوا علي
واليوم أشم من الصبح ريحة -القاشع - والمالح - والسمن وشوية الرطيبات إلي على طرف الصحن
وأذكر دياي أمهاتنا لي يربونه ويعابلونه وكيف طعم صالونة الدياي البلدي ما حد يقدر ينساه
واليوم الله يعين عيالنا والله مساكين عايشين على الهمبرجر والهوت دووووج وما أدري شو يسمونه
الأول كنا نمشي والمشي صحة والنش من الغبشه ونشة الصبح يقولون الاطباء اليوم أنها تجدد الخلايا عاد أحنا كنا نقول عنها بركه واليوم ماشي رقاد لا ليل ولا نهار ولا حركه ولابركه
الأول الريال ريال بقوله وأفعاله واليوم اليهال يحسبون بيستون رياييل إذا رفعوا صوتهم ولا داخوا لهم صلب زقاره الكورة تبى صحه نفس وشباب صدورهم نظيفة تبى واحد باله صافي ما عنده شويسمونه ..أرق ولا قلق الكوره تبى أكل مضمون مطبوخ بيد بناتنا الله يحفظهن من الشر الكوره تزعل من التعبان وتعطي ظهرها والنشيط تقابله وترابعه وتدخل القول عشان خاطر صحته

»..روحـي تـحـبـكـ.. »
08-09-08, 07:23 PM
ويحــــــــــــفظج يــــا ام سعيـــــــد ..

ونحـــــــن فــــراحنين أكثــــر بتواجدهم في المنتــــدي ومشــاركاتهم ,,

تعااالي الحين انتي صدق ام سعيد