من وحي الحرمان.....

[عاشقة الاخضر]

رمــش وظــلال ...

سافرت في وجهك تحت رمش وظلال ..
يا طــــــول أشواقــي ويا قصر حرفــي ..

في محجر عيونك تناديني اطلال ..
وفي خنجر ظنونك أناديــــك ( ولفي ) ..

هِنا قريت الحلم مع كل الآمــال ..
هِنا كتبت بقوّتي ســـرّ ضعــفي ...

هِنا دفنت الروح و الروح تختال ...
ما لوّحت بوداع ومادرت خلفي ..

مشيت ومايمشي على كيفي وصال ..
رضيت ومايرضى على الحب ظرفي ..

يا عاذلي هذي قيودي و الاغلال ..
فضاي حبه و السماوات سقفي ...

ريانةً صاغت على القلب خلخال ..
تخونني النبضة أذا صان نزفي ...

ما ترتجي قطر المطر كفّ شلاّل ..
و ما تنتظر طيف اللقا عين عطفي ..

ما كان للأيــام تكسيه غربــال ...
وماكان لعيونه على الحزن تغفي ..

أن ضاق صدر الوقت ماضاق لي بال ..
وان خــانت ايامه وقف معه كــفّي ..

ماللشقا في وجنته همّ ترحــــال ...
دام الشقا ما بين الاضلاع منفي ...

لو غنت الدمعة على الخــد موال ..
صدى الدموع يردد انغام حتفي ..

عسى ينال من الفرح كل منوال ..
حتى يقول من الفرح بس يكفي ..

نامت على كتف الحسن حبة الخال ..
ياليتني الخــال وتنـامي بكتفــــــي ...

( منقول)

[بن حميد]

عاشقة الاخضر



مشاركة متميزة تكتب بماء الذهب


دمت ودامت هذه المشاركات الرائعه