ما رأيك ف سالم سعد

[كرمستجي]

بسم الله الرحمن الرحيم




أنا حاط الموضوع وبغيت اعرف رايكم ف سالم سعد لانه انا اشوفه انه اداؤه كام ممتاز مع انه لم يلعب سوى بضع دقائق




وابي رايكم يا الأعضاء .................؟؟؟؟؟؟؟

[خضراوي غاوي]

انا مابقول رايي بترك الموضوع حق المشككين في سالم و الي يقولون فيصل ومحمد عمر احسن و الي يقولون ان سالم لاعب نادي وليس لاعب منتخب.
مشكور حبيبي على الموضوع الغاوي والله يحفظك يارب

[حبي الخضر]

والله احس انا المدرب وايد ظلم سالم بعدم اشراكه .... في وقت مبكر من المباراه


حصل فرصتين والثالثه كانت ثابته .. بس الله يسامح ميتسووووووووووووو

وان شاء الله بيثبت لهم المباريات القادمه .. الى الامام يالاماااااارات

[tntweel]

الصراحة لو المدرب دخل سالم المباراه اسرع اشوي بس كان بييب قول وانا متاكد وانا اقول ان المدرب بيعيد النضر في سالم وبيدخله من بداية الشوط الاول او الثاني

[كرمستجي]

مشكورين اخواني ع الرد


بس انا براي لو ما يدخله من بدايه المباراة احسن يعني يدخله يداية الشوط الثاني او آخر 20 دقيقة احسن لانه بيتحمس والا الصراحة اقولكم بيصدق عمره
بس الحمدالله سالم اداؤه كان جيداااا


اقولكم مرة ثانية مشكورين ع الرد

[خضرواية]

بصراااحة اول مادخل حمس المباراة والله يوفقه في الامباريات الياية

[مواس الكنك]

سالم سعد ....لاعب ممتاز وميتسو ظلم سالم يعني سالم ع الاقل لازم يدخل آخر عشر دقايق من القاء....ولا اخر نصف ساعه ....الله ايعينا فيصل مصااب ويلعب ليش مادري اذا ماتبغي سالم يلعب دخل سعيد الكاس ع الاقل....انشاءالله المبارايات القادمه اتكون افضل..

[العـ الاخضر ـرج]

بس لو سالم يشوت وما يخاف في المنتخب بيرد على كل المشككين

ولو شويه يعطينا من الحركات اللي يسويها في النادي

والله ان بيكون المهاجم الاول

بس شوية ثقه يا سالم

لو يسجل مره وحده بييب ثقة جماهير الامارات كلها

بس هو ماعرف شو اييه في المنتخب لا يشوت ولا يخترق بشكل صحيح

[عاشق دبي]

السلام عليكم

صحيح ان سالم سعد مب في مستواه .. ولكن مدرب المنتخب ظلمه بعدم ادخاله في وقت مبكر من الشوط الثاني .. وما اعتقد ان 5 دقائق تكفي لعمل شي .. خصوصا ان اي لاعب يحتاج لبعض الوقت فقط لكي يدخل اجواء اللعب .. فما بالك بخمس دقائق .. ورغم ذلك فقد تابع كرة قريبة من الحارس وحاول فيها .. ولكن قدر الله وما شاء فعل ..

عصبيته تجاه حكم الراية ما كان لها مبرر .. ولكن كنت اتمنى ان يدخل على الاقل بعد مضي 20 دقيقة من الشوط الثاني .. وكان عندي شعور لو لعب شوي مبكر كان بيسوي شي ..

المباراة كشفت بعض النقاط السلبية في المباراة

ان الحين تأكدت انه المنتخب ما فيه عناصر تقدر تغير النتيجة بمعنى ان اللعيبة معظمهم مستواهم عادي .. اعتقد اسماعيل مطر وسالم خميس هم الافضل وهم اللي عندهم الموهبة .. أما البقية يأدون اللي عليهم وبس ..

للأسف على ايام الجيل الذهبي .. اي تبديل كان له تأثير على اللعب .. بمعنى لو خرج زهير يدخل عدنان .. والاثنين مميزين وموهوبين .. وكان هناك خميس سعد المشاكس والبختي اللي يقدر يلعب في اكثر من مركز .. وهناك علي ثاني .. ونفس الشي في خط الوسط والدفاع والحراسة كلهم كانو نجوم ومميزين .. أما الحين الوضع اصبح صعب .. وكما يقال فقد سقطت ورقة التوت .. وانكشف تواضع مستوى لعيبتنا ..

انا اتمنى وهي فكرة بس .. ان يتم الغاء الاحتراف .. وعودة اللاعبين الى دواماتهم .. وننسى شي اسمه تفرغ .. وان يعود اللاعب الى معاناة الدوام والتمرين والاجازات .. ومن هنا سيتعود اللاعبين على الشده بدل الدلع اللي حاصل الحين .. لأن الاحتراف تم تطبيقه بشكل مقلوب .. واصبح الاحتراف هو الكسل والخمول .. ومن هنا هبطت مستويات لعيبتنا الى مستويات متدنية ..

الحديث عن المنتخبات بشكل عام هو حديث طويل جدا .. ويحتاج الى موضوع منفصل

اتمنى تقبل رأيي الخاص والمتواضع والسموحه على الاطالة




بومحمد

[كرمستجي]

مشكورين اخواني ع الرد

بس اخويه انا اوافق كلامك الا في الاحتراف الي انت اتقوله
كيف تبي اللاعبين يداومون ويسيرون النادي
والله يا عاشق دبي لو تتدرب وياهم والله بتحس
انا العب بس مب قدم والله شويه بموت يوم يعطونا تمرين لياقه واسير المدرسه عقبه والله تعب ما بعده تعب مرات اكره حياتي واقول والله الحمدالله خير موجود ووايد ليش اسير النادي بس يوم اكون مرتاح اتحمس مرة ثانية واسير النادي
بس اعتقد انه قرارهم ف الاحتراف قرار صح 100%


السموووووووووووووووووووحة

[دلوعه الجوارح]

وانا بعد اشوف لو ان دخل سالم في بدايه المباراه كان بييب قول بس الله يسامح المدرب

[الطراد بو سيف]

بو سيف لاعب الصراحه مستواه يتقدم من مباراة الى مباره
وان شاء الله يكون اليوم اساسي

[قلعه الخضراء]

سالم سعد والله ماقصر ما المنتخب وانشاء الله دوم مايقصر وحمس المباراة بس ما ياب قول و انشاء الله ايب قول في المباراة الياية

[The Mask]

الطراد كان مستواه اوكيه بس المدرب ليش طلعه مادري

[alseem]

وحليله سالم سعد اكثر لاعب مضلوم فالمنتخب

بس سالم سعد فيه غلطه وحده ليش يضارب يعني هو فايز ماله داعي يضارب

كنا بنخسر مع الكويت والسبه محد مهاجب بديل

بس انشاء الله ما تتكرر الاخطاء

[23الموهوب23]

...............................................مبا راة عمان كان من احسن اللاعبين...................................
مباراة اليمن كان من اسوء اللاعبين لأن ميتسو دخلة من بداية المباراة والكل يعرف ان سالم لاعب آخر30دقيقة........................................ .................................................. ........................
وياريت ما اكون طولت عليك ياعبود بهاذي المشاركة