المساعد الشخصي الرقمي

مشاهدة النسخة كاملة : منتخب قطر في خليجي 18 ..!!!!!!

كرمستجي
19-12-06, 04:25 PM
السلام عليكم

اظن بعضكم شاف البطولة الاولمبية التي كانت في قطر


انا بدخل في الموضوع علطول


هل منتخبنا لو لعب مع منتخب قطر بيفوز عليه ..

هل محمد عمر وفيصل وسرور بيخترقون دفاع كوني ورفاقه !!!


هل سيتصدا دفاعنا الي هم محمد قاسم ومحمد خميس وغيره لهجوم قطر الاجنبي , الي هم صالح البشير اسمه على ما اظن والثاني الارجنتيني !!!!



اظن انه هالفريق بيكون منافس قوي في هذي البطوله


انا اتوقع فوز قطر علينا 4 او 3 !!!!


لين الحين ولا لاعب في منتخبنا مجنس .. !!!

لو ما بنجنس (( على البطوله السلام ))
انسوا كأس الخليج


لا تنسون السعوديه والي مجنسين فيهم وغيرهم .....



انا ما حاط هالموضوع الا لاني خايف على منتخبي !!



شو رايك انت كعاشق لمنتخبك في التجنيس ؟؟


اتوقع انه من الضروري نجنس لاعبين او 3 !!!


لانه الفرق القادمه مستواها اعلى واعلى عنا



والسموحه على الإطاله ..
خضرواية
19-12-06, 04:53 PM
الله يوقهم ومشكوور أخوي
كرمستجي
19-12-06, 06:38 PM
شكرااا ع الرد


بس بغيت آراء الاعضاء حول هذا الموضوع


وهل منتخبنا قادر على فوز الفريق العالمي(قطر)
حنطــــــــاوي دلـــــع
19-12-06, 10:47 PM
أنا مب وياك في تجنيس بس اتمنى المنتخب يلعب بروح قتاليه
المستحيل_6
19-12-06, 11:03 PM
أنا مب وياك في تجنيس بس اتمنى المنتخب يلعب بروح قتاليه

اسمحلي اخوي ايام الروح القتاليه راحت...... الحين كله تكتيك ولعب.... ومهارات العيبه هي الي تفرق
الإعصار الأخضر
20-12-06, 09:06 AM
السلام عليكم..

أولا، أنا ضد تجنيس اللاعبين وخاصةً الذين لا يتكلمون العربية بتاتاً. فهي ظاهرة سلبية وتعطي انطباعاً سلبيا للاعبين المواطنين بعد احقيتهم وعدم اهتمامهم بالالتحاق بالمنتخب الوطني والدليل هو منتخب قطر نفسه والذي بالرغم من البطولتين السابقتين الذان حققهما، بكم عدد المواطنين المنظمين للمنتخب؟؟ نسبة قليلة جداً.. لا أتخيل خلال السنين القادمة، أشجع منتخب لا يستطيع أن ينطق كلمة عربية واحده, أو حتى لا يملك حس من احاسيس المواطن الحقيقي الذي يهتم لمصلة وطنه..

بالنسبة لمنتخب قطر، أظن أن بإمكاننا الفوز عليه بإذن الله.. فتجنيس اللاعبين القطريين ليس جديداً يا جماعة ومع ذلك فلا يوجد فارق كبير بيننا وبينهم.. المهم، أن يظهر لاعبونا بشكل حضاري يعكس رغبتهم بالحصول على البطولة..
كرمستجي
20-12-06, 04:19 PM
الصراااحة انا مو البضبط ويا التجنيس
انا اقول لو على الاقل انجنس لاعبين او ثلاث بالكثير علشان اللاعبين المواطنين يستفيدون منهم



بس اهم شي التوفيق للجوارح
الطوفان الاخضر
24-12-06, 02:01 PM
السلام عليكم ورحمة الله وبركاتـــــــــــــــــــــه

اذا كنـــــــا بناخـــــــــذ الكـــــــــــاس على اقدام

أجانـــب ما نبــــــــــــاه

نباه من عيال الوطن اليوم او باجر

او انشاء الله عقب مليون سنة
اسمر_kadrawy
24-12-06, 11:31 PM
تسلم عل موضوع

بس اخوي "عبود" انا بعد مب وياك فل تجنيس ترا يوم اتجنس لاعب لازم تضمن ان هذا بيسويلك شي فل منتخب موب مثل دياكي الحين عندي انا سالم خميس افضل من دياكي

و السموح لي كل عشاق دياكي انا قلت لكم وجهت نظري

و شكراا.....
المطلعي
25-12-06, 06:39 PM
تسلم.....^^.....
خضراوي10
25-12-06, 10:26 PM
انشاء الله يكون الفوز للإمارات