قصيدة للشاعر المرحوم عجيل

[بن حميد]

لاقفـونـي واشـغلوا بـالـي............. واسلبوا عقلي أنا اشــبـيـدي
أصـفـج الكـفين في الخالـي ........... أرضـف الـونـات وازيــدي
قـالـوا اشـبك قلت باسـالي............ شـا الدمـاني قايـد الـغـيدي
من عـيانـه زاد غـربـالـي .......... بريد اعـظـامـي تـبريـيـدي
ما خـلـج مـثـله يا عـذالي........... خذ افـوادي والاســـاويـدي
يا مـلا والـزين جـتـالـي ............. ارحموني يا مـشـاهـــيـدي
نـاهـبـني زيـن الجـبالـي............... بـو انـهـود لـه مـجـاعيدي
يالغـضـي مـا تـرحم ابحالي ........ قال تـبـع الحـب تـشـديدي
كم صـويـب طاح الاهـوالي ........ قـلـت هـجـرك لي تنـفيدي
قـلـت هـون روف يالغـالي........... لا تـذايـر عـني ابـعـيــدي
يا غـنـاتـي مـالي اعـمالي............ قال خوفي مـل حـسـاسـيـدي
قلـت خـدك بـرق شـعالي ............ قـال سـاسـي مـاليـاويـدي
قلت انـتـه خـزنـة المـالي............. من اخـصور لـك مـجاليـدي
الحسـف والنـوح زلـزالـي............ شوف غيرك مول ما يـفـيـدي
قال واصـبر كـودك اتـنـالي.......... كـل شـي لـه مـواعـيـدي
الـفـرح في يـوم الـوصـالي .......... قلت وصـلـك يـشـبه العيدي

الشاعر المرحوم عجيل بن عبيد الخطيبي

[راعي_بحر]

تسلم والله ماقصرت

الله يرحمه ويغمد روحه الجنه


ماظهرت شاعر عيل هذا الرأس العود كان في الجبيله المرحووووم

[بوحــــارب]

صح لسـانه و الله يرحمـه ...

الشاعر عجيل بن عبيد الخطيبي السويدي .. <<< يقرب لراعي بحـر نفس العايله و القبيـله..

تسلم شاعرنا ع النـقل ..

بوحــارب

[راعي_بحر]

صح لسـانه و الله يرحمـه ...

الشاعر عجيل بن عبيد الخطيبي السويدي .. <<< يقرب لراعي بحـر نفس العايله و القبيـله..

تسلم شاعرنا ع النـقل ..

بوحــارب


بو حارب مشكلتي ظهرت شاعر كوميدي خخخ

ماظهرت ع المرحوم^^لووولز

[بوحــــارب]

بو حارب مشكلتي ظهرت شاعر كوميدي خخخ


ماظهرتع المرحوم^^لووولز



صديق طفولتي راعي بحـر .. دامه من هلك الله يرحمـه .. شو رايك تعطينا نبذه عن الشاعر .. وتييب لنا بعض قصايده ..

بوحارب

[راعي_بحر]

الشاعر عجيل بن عبيد الخطيبي السويدي, شاعر معروف من شعراء الخان. فقد كان يكتب الشعر و يعد القصيد عند "شاعر الخان" عبيد بن سعيد السويدي.

تزوج الشاعر عجيل بن عبيد الخطيبي من خالة جدتي "فاطمة بنت علي بن سالمين السويدي". وأبناءه اليوم معروفين بقوم بن عجيل أو بعيال عجيل وهم:

- عبيد بن عجيل
- راشد بن عجيل
- عيلان (علي) بن عجيل
- خليفة بن عجيل
- سعيد بن عجيل وهذه يدي المرحوم:tears:
- حمدة بنت عجيل

وهذه احدى القصائد


يقول فيها:

يازين في عيني اتهاييت == شرواة برّاق المشاعيل
ياويل حالي يوم مريت == بالروف يا بو خصرن انحيل
لاتقولي يالشاعر أخطيت == ماحيدني دست المعاظيل
والزين تظربّه مناعيت == بخصور وردوف ومعازيل
وياليت شوف الزين ياليت == يرويك عن كل التعلّيل
ينساح بالك وين ماييت == يازاهياتن بالمياديل
ولكن رجعت الجيل واثنيت == لي يصور في جيلي مشاكيل
سمر اليدايل يحين الميت == ولهن رجعنا بالتماثيل
لنسامحه من جان زليت == معتل يا ظبي المساييل
فنيال عطرن به اتشافيت == وادريت شعرن على ظهر فيل

[ولد_المرر]

الله يرحمه الشاعر
تسلم يا بوعلي ع القصيده واشكر راعي بحر ع النبذه البسيطه بشاعر رحمه الله

[بن حميد]

.



راعي بحر


هلا و غلا


وشكرا على المرور وبعث الموضوع من جديد


وشكرا على النبذة عن شاعرنا المرحوم الله يغفر له و يغمد روحه الجنة

في الحقيقة انا لحقت عليه وانا صغير و هو كان شيبة كبير وسمعته يعد قصيد بس ما اذكر شي منه

و اللي خلاني اكتب عنه القصيدة هاي هو عيلان لاني التقيته في الدوام من زمان


ويا ليت لو حد يكتب وينقل قصايده هنا للتوثيق


عموما شكرا على كل شي


والى المزيد من روائع شاعرنا المبدع رحمه الله


تحيتي



.

[بن حميد]

.



بو حارب

هلا و مرحبا


وشكرا على مرورك وتشجيعك بارك الله فيك


تقبل تحيتي



.

[بن حميد]

.

ولد المرر

هلا و غلا

و لا هنت على مرورك يا الطيب


شكرا على الرد


تقبل تحيتي



.

[راعي_بحر]

دبي دار التفريج
دار الاناسه و الشراحات
بتشوف ضولات المخاليج
يمشون في الدنيا بغيات
حدٍ مبيع وحدٍ مفيج
وقوف في سوق المسامات
هيهات جان الخاطر يضيج
والماي يلفيها ابيبات
هذا فرح يا اهل التشويج
هذا زمان سيد الاوقات
ينساح بالك من الاعاويج
للسينما ينصون بانعات
قصو جتاتي دامه امفيج
وقوف للبيبان زافات
علي العصيمي حاضر امفيج
بتشوف له مالبعد بشات
ياما يضيفي حزة الضيج
فيه المروه والحميات

من قصيدة الشاعر عبيد بن عجيل الخطيبي

[راعي_بحر]

عندي قصيده ثانيه أحفظ منها بعض الأبيات للشاعر عجيل بن عبيد...

يقول فيها:

صوب المحطة سير بانعات === بتشوف خلق الله ايولون
جرب ابيالك والقفر هات === الغبار جد بوّغ فالعيون
هاي السنه ياهي طماشات === يوم اشتروه السح بوزون
أول خرينا م الجنيّات === واليوم ماشي غير بيزات


وقصيدة ثانيه يقول فيها:

يبغي اليزيّره وماشي بليل === جد صادفه برق(ن) وعسّاف
احتار فكره وبند التيل === الوايرات اطيحن ارضاف
والقبّطان يزاجر بحيل === حد بقميص وحد(ن) بهاف
سمجان تدسهم الريل === الله يسامحكم يالأضعاف
محد لفاكم مسلم يشيل === أجسامكم لاثت عالأسياف
وسط الرمل واهل التوحيل === ياما ؟؟ وينوبه اوذاف
امسا يهفج دمعي يسيل === يصفق على ويهه والأحزاف
يقول آه يامن كمل الحيل === ؟؟؟؟

*القصيده ناقصه ما عندي اياها كلها.<!-- / message -->

[عاشقه الجوارح23]

تسلم اخوي وماقصرت

[راعي_بحر]

تسلم اخوي وماقصرت


هه نيابتن عن بن حميد

مشكوره ع المرور

[الـنـرجـسـيـة]

بن حميد ..

تسلم على النقل الرائع

يعطيك الف عافيه ..


راعي بحر ..

ثااانكيو على النقل ..

وعلى المعلومات هذي ..

يعطيك العافيه ..



مشكوورين ..

[راعي_بحر]

راعي بحر ..

ثااانكيو على النقل ..

وعلى المعلومات هذي ..

يعطيك العافيه ..



مشكوورين ..


العفو نرجس ونيابه عن بوحميد^^

تسلمين ع المرور