اهــــــــداء ...شورايكم تساعدوني يلخضراويـة

[بنت_الجوارح]

شو رايكم انسوي قصيده اتكون شبابيه ميه بلمية

حماسيه و مشارك فيها الكل اللي يعرف يكتب يبتدي القصيده ابيت حماسي و بنكمل وراه على نفس الوزن


بانتظار مشاركاتكم


تحياتي
بنت الجوارح
:rolleyes:

[( مـيـلـودي )]

ذكرتيني بحاجة ضحكتني ...

هالأيام يوم ياخذ فريق من فرق الدولة بطولة سواء الدوري أو الكاس تشوفين الإحتفالات وألأغاني شغالة .. طبعاً أولهم أحلام اللي مستعدة تشجع كل نادي ياخذ بطولة هذا غير باقي مطربين الخليج اللي يغيرون كلمتين في أشهر أغانيهم علشان تواكب المناسبة .

هيييييييييييييييه .. لكن ما أقول غير الله يرحم أيام بطولاتنا ... تلقين الشواب مصطفين والعيالة تـنسمع من ثاني فريج .. الله يعطيهم طولة العمر .. ومن العصر يبدون إلين صلاة العشا .. وفرقة ليوا نص الشباب اللي فيها هم من لعيبة النادي .. وعقب صلاة العشا تنزل صياني العيش واللحم .. وبس !!

----------------


المهم .. شدي حليج وشغلي القريحة على قولة شحفان .. وسويلنا قصيدة .

[بنت_الجوارح]

راحت عليـك يا صاحبي

هذاك اول

لاكـــــــن ان شاء لله بيرد النادي مثل قــبل واحسن باذن الله و احنـــا صــامديييين

الخــــــضــــــر حــــــــديـــــــد هههههه

وياك وياك يا نادينا الغالي ان خسرت وان فزت ترا كله واحد بس المهم اللعب يكون يرفع الرأس ويبيض الويـــه وتراهم ما يقصروون لعيبتنا


ولا شرايك يا مــيلودي ;)

خـــــــــلاص و لا يهمك..

بنبدل القصيده بس نبا حد يبدأ بأول بيت

و يــكون بيت فيه حـــماس و انشالله كل واحد يدخل لازم يكتب بيت على نفس الوزن و بجذيه بنطلع بقصيده شــبابية مية بلمية

(( تــبا اتعرف شو فــــخاطـــــري ؟؟ ))


احــــــضــــــر مباراة الشباب في ســـتــاد نادي الشباب

و اشجع ويا الجمهور و اللبس اخضر في اخضر !!

ولـــــكن ليـــس كل ما يــتمنى المرء يـــدركه
تـــــجري الـــريــاح بما لا تشتهي الـــسفن !!

على قولتهم ..

مــــــنـــــقــوووود عــنــد الــعرب هههه


تــــحــــياتي

بنت_الجوارح :rolleyes:

[( مـيـلـودي )]

والله ياختي .. نحن ورى الأخضر من قبل زمان البطولة .. والبطولة لا تأخر ولا تجدم من حبنا الكبير للنادي اللي قضينا فيه أحلى السنين ...
ورأيي من رايك أكيييييييييد .. عيل فيه ريال يعاشي حرمة ؟؟ :D
أنا واحد ما أقدر ...

وعن القصيدة يالله ابدي ترانا متحمسين هاليومين .. والقريحة عشرة على عشرة .. لأنك لو اتأخرتي الحر بيزيد وبتسيح القريحة ;)

أما عن حضورك النادي .. فهاي صعبة شوي .. يعني مالها حل .. بس صدقيني إحساسكم بالفريق وحبكم للنادي يكفي .. ونتمنى أن اللعيبة يقدرون هالشي .

وبعدين بيني وبينك بتملين .. لأنه جمهورنا ماشاء الله عليه .. ساااااااااااااااااااااااااااااااااااااكت .. وهااااااااااااااااااااااااااااااااادي ... عيني عليه باردة ....

و ســلامـــي :)

[( مـيـلـودي )]

في الموسم الماضي وبعد اللي اتعرض له الفريق .. كنت دايم أردد بيت من القصيد ( مقتبس - ومعدل ) للشاعر الكبير دايم السيف ...
لما نيلس مع الشباب ويبدون يتكلمون عن انديتهم .. الواحد و بصراحة نفسه تنكسر جدامهم .. وما عنده شي يقوله .. لكن كنت دايم أردد عليهم ...

يقول ميلودي .. وميلودي ( أظني ) صادق ...

حنا الجوارح يا مدعين البطولة ... حنا هل التاريخ وانتم به أغراب

وحنا عرفنا المجد عرضه وطوله ... ما توارينا لحظة تحت التراب

كاس التعاون حنا فـتحنا قـفولـه ... وكتبنا بالذهب اسم الشبـاب

اسمنا عالي وبخت اللي يطوله ... والخضر طير حر ما هو غراب


وسلامتكم ...

وصح لساني ...

طبعاً هذي مداعبة كانت مع الشباب طوووووول الموسم اللي فات ...

أتمنى تكون عجبتكم ...

[بنت_الجوارح]

صح اللسانك..

بس لــيــش جي تقول عـن المـشـجعـين يـا ميلودي

عيل وينكم انتوا ؟ ليش ماتحمسون الجمهور ؟!

تــعـــــــــال ذكرتني ... على ذكر المشجعين

كفايه انه عندكم اقـوى مشجع في النادي !!

عرفت امنوه ؟؟

الله يذكره بلخير

اللي دوم يسرق الكاس ويركضبه في الملعب ههههههه اكـــيد عرفته;)

بس يوم عندكم مشجع جيه

حطوه في نص المدرج و خلوا الباقي عليه و ماشالله عليه هو بعد طويــل ينفع يعني.. يغطي جميع الاتجاهات ههههه ..:p

و عن القصيدة انا اتريا حد يبدا فيها شو رايك انته تبدا باول بيت واحنا بنكمل وراك ؟!

وعن الييه لتشجيع شو رايكم اتسوون قسم للنساء فقط

يــالله قـــول :*حـــــــلوه هـــــــاذي* هههههه

تحياتي
بنت_الجوارح:rolleyes:

(((( ورأيي من رايك أكيييييييييد .. عيل فيه ريال يعاشي حرمة ؟؟ )))

بــخبرك عـــاد هذا ظلم ! يحليلهن الحريم ما عندهن غير انشالله و هي والله !!

[( مـيـلـودي )]

هلا والله ...

تعرفين ليش أقول جذيه ..؟؟

لأنه جمهورنا ونعرفه ...

وبعدين الجمهور ما يبغي له حد يحمسه .. المفروض أنك يا المشجع ياي النادي علشان تشجع ...

أحياناً في المباريات المهمة يوم يكون الحضور جيد من جانب جمهورنا .. أقول في خاطري لو شجعنا بصوت واحد بتتغير النتيجة لصالحنا ..!!

أما بالنسبة لمشجعنا الحبيب .. تراه يشجع عن عشرة ماشاء الله عليه .. وهذا هو تميمة النادي وما نبغي نزيد عليه .. الله يعطيه الصحة والعافية ..

أما عن القصيدة حاضرين وعلى هالخشم ...

بس ساعدوني ووحدة بوحدة ...

------------------------------------هذا خلصنا منه ...

بس شو سالفة ( حليلهن الحريم ) ؟؟؟

وين حليلهن ؟؟!! .. الزمن اليوم زمنهن والوقت وقتهن .. ومحد يقدر عليهن ...

خليها على الله ...

هاك اليوم عاندت وحدة وأصريت على رأيي وهي ألحت على رايها .. أنا أصر من هنيه وهي تلح من هناك .. شو تقولين أني ما دليت بيتنا عقبها .. !! :D

شو رايك ..؟؟